Lakers chakna Doncic leh Reaves

Los Angeles Lakers chuan nimin zing khan 142-130 in Chicago Bulls an hneh a, Lakers tan Luka Doncic leh Austin Reaves an langsar a, guard pahnih hian Lakers an sanpui zel.

Crypto.com Arena, Los Angeles-a inkhelah Doncic-a'n point 51 zet a score a, rebound vawi 10 lain assist pakua a nei a, triple double a siam teuh hle. American point guard Reaves-a'n point 30 score-in assist pasarih a nei bawk a, Doncic leh Reaves te point belhkhawm hi point 81 zet a tling a, Lakers chak nan an thawh hlawk hle.

Doncic leh Reaves hi Deandre Ayton (23), LeBron James (18) leh Rui Hachimura (15) ten an thlawp ṭha a, Bulls laka hnehna chang turin harsatna an tawk lo.

Bulls tan player pasarih lain point 10 an score tling a, Josh Giddey (27), Matas Buzelis (22) leh Tre Jones (18) te khel ṭha viau mah se an vanduai ṭum an tawng a, a tlawm zawkah an ṭang.

Lakers hi Western Conference-ah pathumnaah an awm mek a, regular season-ah match 10 chuang khelh tur la awm mah se playoff khel turin an dinhmun a ṭha tawh hle.