Hazard-a'n training a neih chhunzawm

Real Madrid forward Eden Hazard chuan Ningani zing khan full training a nei a, Krismas hmaa a inhliam hnua la inlan leh lo forward hi Real jersey hain a inlan hnai leh tawh. 

La Liga hmahruaitu Real hian Pathianni zan dar 1:30-ah league match khel turin Celta Vigo an mikhual dawn a, Real chhungkaw hrechiangtu Spanish media ṭhenkhatin an tarlan dan chuan Hazard hi second half-ah luhtir a ni dawn. 

Kum 29 mi Hazard hian Real Madrid a pan hnuah beisei a phak lo a, Chelsea-a kan hmuh ṭhin 'Hazard' kha kan la hmu lo - a inhliam hmain inelna hrang hrangah match 13 a khelhsak hman a, goal khat chiah a khung. 

Hetihlai hian James Rodriguez leh Marco Asensio ten training an zawm chhunzawm ve bawk a, James bik hi Pathianni zanah a inlan beisei a ni.