Cameroon tana khel duh lo Matip

Liverpool defender Joel Matip chuan Janua-ry 14-a Africa Cup of Nations khelh hunah Cameroon tana inlan a tum loh thu a sawi chhuak a, Matip hma hian Cameroon player paruk chuan ram tana inlan an duh loh thu an lo sawi tawh bawk.

Cameroon Foot-ball Association (FECA-FOOT) chuan Schalke defender hlui hian coa-ching staff te nena an inhmuhthiam lohna chu ram tana inlan a duh lohna chhan chhuanlamah a hmang niin an sawi a, FECAFOOT hian an duh a nih chuan FIFA hnenah tournament neih hun kar thum chhung ram tana inlan duh lo player te hi hrem turin an thlen thei ang.

Cameroon coach Hugo Broos chuan, "Heng player-te hian an mimal ham ṭhatna chu ram tana tha thawh aiin an ngai pawimawh zawk a, FIFA dan hnuaiah Cameroon FA chuan heng player-te hi hrem turin a thlen thei dawn a ni," tiin ram tana inlan duh lo player pasarih a sawi ṭhaih.

Kum 25-a upa Matip hian nipui transfer lai khan free transfer-in Li-verpool chu Schalke a-
ṭang-in a zawm a, Reds tan match 14 inlan tawhin defender pawimawh pawl a ni. Premier League club West Brom full-back Allan Nyom chu Came-roon tana inlan duh lo zingah a tel a, nipui laia Watford aṭanga Baggies zawmtu defender hian West Brom-a hmun pawimawh chan zela duh avangin Cameroon squad hi a zawm theih loh thu coach Broos hnenah a hrilh.

Matip leh Nyom bak-ah hian Andre Onana (Ajax Amsterdam), Guy N'dy Assembe (Nancy), Maxime Poundje (Giron-dins Bordeaux), Andre-Frank Zambo Anguissa (Olympique Marseille) leh Ibrahim Amadou (Lille) te chu Cameroon tana an inlan theih loh tur thu tichiang tawh an ni a, heng player pasarih te hi squad puan chhin player 35 zingah tel loin player 23 hi kar lehah la puan leh tur a ni.

Africa Cup of Nations-ah hian Cameroon hi Group A-ah dah niin Gabon, Bur-kina Faso leh Guinea Bissau te nen an awm ho.