Jeho-a'n season thar a thlir
Mizoram Table Tennis Association (MTTA) tan kumin hi kum ṭha a ni. India rama TT inelna lian berte zinga mi 11-Even Sports National Ran-king Championship, 2016 (East Zone) chu a vawi khat nan a thleng a, he inelna ngaihhlutah hian Mizo naupang Jeho Him-nakulhpuingheta leh Al-berto Lalremruata te chuan Sub Junior category-ah silver leh bronze medal an la.
December thlatir khan Table Tennis Federation of India (TTFI) buatsaihin 11Even Sports 78th Cadet and Sub-Junior National Table Tennis Championship chu SMC Stadium, Siliguri-ah khelh a ni leh a, Jeho-a'n Petroleum Sports Promotion Board (PSPB) lama a zir pui Chinmaya Somaiya hnehin a vawi khat nan champion no-mawi a chawi bawk.
Lunglei Salem Veng naupang Jeho-a'n a season hman liam tak a thlir kir a, lawmna tur tam tak tawng mah se hmasawnna tur a la ngah thu a sawi chhuak. Nakkum January 6-11 chhung hian Gujarat-ah Junior and Youth National Championship a awm dawn a, he huna hian USAM Most Promising Player of the Year Jeho-a hi Mizoram hmingin a khel ang.
India Sub Junior num-ber 1 Jeho-a chuan, "Kuminah hliam ka neih ve avangin beisei angin ka khel chhuak tawk loin ka hria. Defensive game khel ṭhin ka ni a, kum thar-ah chuan khingpuite na taka nawr kawngah hma ka sawn a ngaiin ka hria. January thlatirah inelna kan nei leh nghal dawn a, ṭha taka ka inkhelh theih nana min ṭawng--
ṭaipui turin Mizo mipuite ka sawm," tiin Vanglaini palai a hrilh. Jeho-a hian kumin chhungin national level-ah medal pali leh international level-ah medal pakhat a la.
MTTA-in Mission Vengah Hall ṭha a neih hnua hmalam a pan zel a, kumin chhung hian inelna lian chi hrang hrang pasarih a buatsaih hman.
Kum 2016 MTTA sulhnu
1 TR Kohli Memorial XXIX State & Inter District TT Championship
Men's Singles : R Lalruatsanga, LBATTC
Women's Singles : Lalthansangi Sailo, LBATTC
2 Lalrema Ngente Memorial Mizoram Ranking TT championship
Men's Singles : Alberto Lalremruata, PSPB/ Mission veng
Womens Singles : Lalthansangi Sailo, LBATTC
3 MSSC Ruby Jubilee Commemorative TT Championship
Mens Singles : Lalmalsawma, LBATTC
Womens Singles : Lalthansangi Sailo, LBATTC
4 1st Mizoram Veteran TT Championship
Mens above 35+ : Basanta Meisnam, Laipuitlang
45+ : Samuel Ramdinthara, Mission vengthlang
50+ : R Lallunghnema, Model Veng
55+ : Lawmsanga, Durtlang
5 Syska ADTTA 10th Anniversary Celebration
All Mizoram Ranking TT Championship
Mens Singles : R Lalruatsanga, LBATTC
Womens Singles : Lalthansangi Sailo, LBATTC
6 11Even Sports Inter School Table Tennis State Championship
Senior Boys Team : Baptist HSS, Lunglei
(High School Section)
Sr Girls Team : Baptist HSS, Lunglei
Jr Boys Team : (Middle School Section) : Saihnuni Sailo Memorial School, Bungkawn
Jr Girls Team : Vana Memorial School, Mission Vengthlang
7 11Even Sports National Ranking Championship
Sub Junior Silver : Jeho Himnakulhpuingheta, PSPB
Sub Junior Bronze : Alberto Lalremruata, PSPB
(Note : Inelna hnuaia tarlan hi category hrang hranga champion te an ni)