Atalanta an sang zel

Thawhlehni zan khan Italian Serie A inkhel pakhat a awm a, Atalanta chuan an mikhual Empoli lakah 2-1 ahnehna changin league table-ah parukna an ni.

Atleti Azzurri d'Italia-a inkhelah hian table mawngphah lama talbuai mek Empoli tan Levan Mchedlidze chuan minute 51-naah goal hmahruai a khung. Mualneitu lam tan substitutes Franck Kessie leh Marco D'Alessandro te hun tawp dawnah goal khat ve ve khungin an mikhual an lehthal.

Atalanta hian tun season league match bikah vawi 10 hnehna an channa a ni a, season duhawm an hmang mek. Hetihlai hian Empoli erawh an vawi 10 chak lohna chiah a ni ve thung - point 14 hmuin table-ah 17-na an ni mek.