Cleveland leh Warriors an chak

Nimin zing NBA regular season inkhelah team lian pahnih Golden State Warriors leh Cleve-land Cavaliers ten nuamsa takin hnehna an chang.

Eastern Conference lam inkhelah NBA champion lai Cleveland chuan Milwaukee Bucks 114-108 in an hneh. Cavs tan hian a dan pangngaiin LeBron James chu pla-yer langsar ber a ni. Ame-rican star hi court chhungah minute 47 a awm chhungin point 34 a score bakah rebounds vawi 12 a la a, assists vawi sarih a nei bawk.

Cavs tan hian Kyrie Irving chuan point 28 score-in Channing Frye-a'n point 15 a thawh ve bawk. Cleveland hian regular season kal mekah vawi 20 hnehna an channa chiah a ni a, vawi ruk an chak lo tawh thung. Cavs hian tukin zing dar 5:30 khan Milwaukee Bucks an hmachhawn lehnghal.

Western Conference roreltu Golden State Warriors chuan vawi 24 hnehna an chhanna ni turin Utah Jazz chu 104-74 in an sawp. Golden State tan hian player pali - Stephen Curry (25 points), Kevin Durant (22), Klay Thompson (17) leh Draymond Green (15) te chu player langsar an ni. GSW hian an match 29-na atan Zirtawpni zing dar 6:00-ah Brooklyn Nets an hmachhawn leh ang.