Kar ruk chawl tur Boateng

Bayern Munich defender Jerome Boateng chu a awmbawr tihrawl tuamtu zai a nih avangin a rei lo berah chawlhkar ruk tal a chawlh a ngai dawn.

Germany international hi November 23-a Rostov nen Champions League group match hnuhnung ber an khelh
ṭumin a inhliam a, Thawhlehni khan zai niin German champion hian a dinhmun tur hi an puang chiang ta a ni.

Bayern Munich chuan thuchhuah siamin, "Dr. Andreas Imhoff-a'n Boateng hi hlawhtling takin a zai a, kar ruk chhung vel a chawlh a ngai ang," tiin an sawi.

Kum 28-a upa Boateng hi kuminah a hliam thei hle a, a khup leh malpui na vangin season tir lamah a lo chawl reng tawh a, heng a hliamte vang hian khelmual chhungah a hmel hmuh tur a tam lo - tun season-ah club leh ram tan inelna hrang hrangah match 14 chiah a la inlan.