Ka buai lo - Emery

Paris Saint-Germain coach Unai Emery chuan beisei anga result ṭha nei rih lo mah se a tan buaina tur a awm loh thu a sawi chhuak.

French Ligue 1 cham-pion PSG hian point 36 chiah an la hmuh avangin league hmahruaitu Nice an phak lohna chu point sarih lai a ni tawh a, a zawn-a season li chhung an lo kawl tawh nomawi hloh thei dinhmunah an ding mek.

PSG hian inelna hrang hranga an match hnuhnung pangaah vawi khat chiah hnehna an chang. Sevilla manager hlui hian Champions League lamah pawh besei phak rih loin last 16 lut tho mah se Group A-ah Arsenal hnuaiah an awm.

Emery chuan, "Foot-ball-ah hian tawnhriat ka ngah ve tawh a, hun harsa leh khirhkhan pawh ka lo paltlang ve tawh bawk. Miten engtiangin nge min sawisel ṭhin tihah ka buai lo a, a pawimawh zawk chu engtin nge hma kan sawn theih ang tih a ni," tiin a sawi.