Roma coach Spalletti a nghet lo

Roma head coach Luciano Spalletti chuan beisei anga result ṭha a nei thei lo a nih chuan season tawp hunah Italian club chu chhuah san thut thei a nih thu a sawi chhuak.

Kum 57-a upa Spalletti chuan, "Hneh-na ka chang thei lo a nih chuan ka chhuak mai ang," a ti. Italian manager hian season tawp thleng chiah Roma tan hian contract a nei tawh. Stadio Olimpico-ah hian cham chhunzawm turin contact thar an buaipui mek nia sawi ni mah se a hmalam hun a chiang ta lo.

Roma hian an match hnu-hnung pathumah hnehna an chang zo tawh lo. Europa League-ah Astra Giurgiu nen goal awm loa an inhnehtawk hnuin Serie A-ah AC Milan leh Juventus te chu 1-0 ve vein an hneh lo, tun dinhmunah point 35 hmuin Turin club an phak lohna chu point sarih a ni.

Roma CEO Gandini chuan an mana-ger chu contract thar ziahpui tura an inpeih reng thu a sawi thung a, chutih-rualin a hmalam hun chu ama kuata a awm thu a sawi tel bawk.