FA-in Jamie Vardy dilna an hnawl

Leicester City chuan an striker Jamie Vardy-a'n Stoke City laka a red card hmuh chu ngaihtuah nawn turin Football Association hnenah thlen mah se FA chuan Premier League champion dilna hi an hnawl a, English striker hi match thum chhung a inlan thei lo ang.

Kum 29-a upa striker hian Stoke City nen an inhmachhawn ṭumin forward Mame Biram Diouf chu a ke pahnih hmangin a tlawh a, referee Craig Pawson chuan minute 28-naa thil thleng avang hian red card a pe a ni.

Season hmasa Premier Lea-gue top scorer hian league match-a Everton, West Ham leh Middlesbrough an hmachhawn hunah a hmel a lan thei dawn lo tihna a ni a, January 7-a Everton nen FA Cup third-round an khelh hunah a rawn kir ang.