Real Madrid hremna tinêp

Spanish club lian Real Madrid chu FIFA-in transfer window pahniha player la thei lo tura hrem ni mah se Court of Arbitration for Sport (CAS) hnena an zualko hnuin transfer window pakhatah tihtlem sak an ni.

Real Madrid leh Atletico Madrid chu kum 18 hnuai lam foreign player an lakluh danah football dan an bawhchhiat avangin FIFA-in Spanish club pahnih chungah hian hremna a lekkawh. Madrid club pahnih hi kum 2017-a transfer window pahnih (January leh nipui transfer) a player lalut thei lo tura an hrem bakah Real hi £282,000 chawitir an ni a, Atletico hi £622,000 chawi tura hrem an ni bawk.

CAS-in Real hremna a tihnêp sak takah chuan Real-in nakkum January-ah player lalut thei lo mah se nipuiah chuan player thar an ziak lut thei dawn a, an pawisa chawi tur zat pawh £188,000-ah tihtlem a ni bawk. Atletico khingletna chungchunga CAS thutluk-na erawh puanzar a la ni lo.

Real Madrid chuan, "CAS thutlukna hian FIFA-in hremna a lek-kawh dan a dik tawk lo tih a thai lang chiang a, amaherawhchu hremna zawng zawng hlihsak kan ni lo erawh pawi kan ti hle," tiin thuchhuah a siam.