Basketball a nih tawh chuan hlauh ka nei lo - Kobe Bryant (‘The Mamba Mentality - How I Play’ aṭanga lakchhuah a ni.)

Basketball a nih tawh chuan hlauh ka nei lo, heta ka sawi tum chu thil thar tihchhuah ka tum a nih chuan luh loh, khelh chhiat leh mualpho ka hlau lo. A rah chhuah tur ka thlir a, thui tak ka thlir ṭhin vang a ni. Ka theihnaah ka chiang a, ka tum tihlawhtling turin rim taka thawh a ṭul emaw vawi eng emaw zat luh loh pawh ni se pawi ka ti lo.

Kum naupangte ka nih aṭangin thawhrim ṭulzia ka hria. Film-ah emaw a takah emaw pawh ni se ka duh ang ka hmuh chuan tih chhunzawm tumin ka inzir nghal ṭhin a, tih theih ngei tumin ṭan ka la a, hman nghal ka tum ṭhin. Inelna sang zawka ka tel pawhin ka man thiam zung zung a, zir belh tur a tam tawh lo.

A tir aṭangin a ṭha ber nih ka duh. Hmasawn duhna thinlung ka nei lian a, pawn lam aṭanga fuihna hranpa ka mamawh tawh lo. NBA-a ka khelh hmasak ber kum pawh khan 'scouting report'-ah chuan ka fei (tough) tawk lo an ti. Basket neih ka tumna kawngah min han khawih lui a, ka hlau turah an ngai ṭhin. Mahse kei chuan chance ka neih hmasak berah ka rilru put hmang hrilh fiah nan 'offensive foul' ka nei ngat ṭhin.

Player ṭha bik zinga tel tur chuan thawhrim bik a ṭul a, ni khatna aṭangin thununtu nih ka duh. Ka rilru put hmang chu 'Nang aiin ka ṭha zawk dawn' tih a ni. Allen Iverson, Tracy McGrady, Vince Carter emaw tun hunlaia mi LeBron James, Russell Westbrook, Stephen Curry pawh ni se ka tum chu anni aia ṭhat a ni. Chumi tur chuan ngaihtuahna sen a ngai a, midang leta thawhrim a ngai bawk. 

NBA-a ka luhtirh kum 17 ka nih lai khan rit ka chawi ṭan a, thil danglam tehchiam erawh ka ti lo. A bul ṭhut takmeuh ka khawih a, vawi khatah ka taksa tihrawl bung khat tichak tur zelin ka khawih. Ka career chanve chhoah kha chuan season kal lai emaw nipui chawlh lai pawhin Thawhṭanni, Thawhlehni, Ningani leh Zirtawpniah minute 90 rit ka chawi a, hetah hian thil rit tak tak chawiin ka kut pawhin engmah a hre ṭhin lo . Chumi zawhah chuan court-ah kalin ka shoot chauh ṭhin.

Ka tih dan phung hi a dang ve hret hret thei a, ka rilru put hmang erawh a ngai reng. Ka thil tum hlen tura tih a ṭul a nih chuan mi ngaihven loh pawh ni se a tawp thleng rakin ka ti mai tur a ni.

Ka thlirna aṭang chuan hma taka training theih hi ṭha ka ti a, nupui fanau neih hnuah phei chuan fate an rawn thawhin training hmasa ber ka zo tawh ṭhin. Ka game hmangaih basketball hi eng thil maha thleng ka phal lo a, chutiang bawkin ka chhungte aia hlu an awm lo. Chuvangin ka mut hun tih tlem ka thlang.

Basketball player ropui ni tur chuan kan pian hmang a dik a ngai a, mi tam tak chuan training nawm hmel tak tak an thlang ṭhin. Kei chuan ka ke leh chuap ka ngai pawimawh. Chak taka tlan zawh chiaha ngai awh leh thei turin training ka nei ṭhin a, ka duhthusama training ka neih hnuah chuan chak taka tlan zawhah hahchawlh ka mamawh tawh meuh lo.

Basketball hian engkim min pe a, court chhunga thil thleng chauh ka sawi lo. Hoops tel lo chuan thuziah ṭan dan ka hre lo ang a, mihring nungchang leh hruaitu nih pawh ka thiam lo ang. Basektball tel lo chuan Sports Emmy Award leh Oscar ka dawng lo ang. Basketball hian hmun hrang hrangah min hruai a, kei pawhin basketball hi ka hruai tel ve zel a ni.

Kobe Bryant

    Pianni    August 23, 1978

    Pianna hmun    Philadelphia, Pennsylvania

    Thih ni    January 26, 2020 (Kum 41)

    Thihna hmun    Calabasas, California

    Nationality    American

    San zawng    6 ft 6 in (1.98 m)

    Rih zawng    212 lb (96 kg)

CAREER

    High school    Lower Merion (Ardmore, Pennsylvania)

    NBA draft    1996 / Round: 1 / Pick: 13th overall

    Playing career    1996–2016

    Position    Shooting guard

    Jersey No.    8, 24

    Team    Los Angeles Lakers (1996–2016)

HLAWHTLINNA

5× NBA champion (2000–2002, 2009, 2010)

2× NBA Finals MVP (2009, 2010)

NBA Most Valuable Player (2008)

18× NBA All-Star (1998, 2000–2016)

4× NBA All-Star Game MVP (2002, 2007, 2009, 2011)

11× All-NBA First Team (2002–2004, 2006–2013)

2× All-NBA Second Team (2000, 2001)

2× All-NBA Third Team (1999, 2005)

9× NBA All-Defensive First Team (2000, 2003, 2004, 2006–2011)

3× NBA All-Defensive Second Team (2001, 2002, 2012)

2× NBA scoring champion (2006, 2007)

NBA Slam Dunk Contest champion (1997)

NBA All-Rookie Second Team (1997)

Nos. 8 & 24 retired by Los Angeles Lakers

Naismith Prep Player of the Year (1996)

First-team Parade All-American (1996)