Rockets hnehtu Lakers an sang

Los Angeles Lakers chuan nimin zing khan 100-92 in Houston Rockets an hneh a, Lakers point guard Luka Doncic a langsar lehpek hle.

Toyota Center, Houston-a inkhelah Lakers an chungnung hret a, Doncic-a'n point 36 neiin a score hnem ber a, Slovenian point guard hi tun hnaiah a team tan point neih lamah harsatna a tawk lo.

Doncic bakah hian LeBron James (18), Austin Reaves (15) leh Marcus Smart (11) ten Lakers chah nan tha an thawh hnem hle.

Rockets an khel chhe bik lo a, Jabari Smith Jr-a'n point 22 a score a, Amen Thompson (19), Kevin Durant (18) leh Reed Sheppard (11) te khel ṭha viau mah se a tlawm zawkah an ṭang.

Lakers hian match 68 khel tawhin vawi 43 an chak tawh a, Western Confernce table-ah pathumnaah an chho. Lakers hi playoff khel turin la tling chiah lo mah se an dinhmun a ṭha tawh hle a, match sawm chuang awrh khelh tur la awmah an chesual viau te a nih loh chuan playoff khel turin an tlin a rinawm.