Jugaad International Skateboarding Competition 2019 Nunkima che ṭha
Jugaad International Skateboarding Competition 2019-ah Mizo rawlthar Lalnunkima a langsar a, Tuikual South rawlthar hi December 6-8 inkara neih inelnaah hian Game of Skate champion a ni. Kum 19 mi Nunkima hi 2018-ah khan he inelnaah hian lo tel tawhin Game of Skate leh Super Minute-ah a lo champion tawh bawk a, inelna chi hnih bakah hian Best Trick Contest a awm bawk. Nunkima hi tun inelnaah hian Mizoram States Sports Council chuan a kalna senso an tum sak a, MSSC chungah a lawm thu a sawi.