Edwards tel loin Wolves chak

NBA regular season khelh mekah nimin zing khan Minnesotta Timberwolves chuan 116-104 in Phoenix Suns an hneh a, an thiampuipa Anthony Edwards awm lo mah se harsatna an tawk lo.

Target Center, Minneapolis-a inkhelah Wolves an khel ṭha a, squad-ah player pariat chiah awm mah se an chak tho. Wolves tan Julius Randle-a'n point 32 neiin a score hnem ber a, Bones Hyland (22), Ayo Dosunmu (19) leh Naz Reid (11) ten Wolves chak nan an thawh hlawk hle.

Suns tan Devin Booker-a'n point 34 zet a nei a, inkhel zingah a score hnem ber. Booker hian aṭhiante hnen aṭangin puihna a dawng ṭha tawk lo a, Oso Ighodaro (16) leh Collin Gillespie (12) te chiah point 10 score tling an awm a, Wolves an ngam lo.

Wolves shooting guard Anthony Edwards a chawl dawn a, Edwards hian a khupah hliam a tuar a, a chawlh chen tur hriat loh mah se kar khat tal a chawlh a ngai dawn.

Western Conference table-ah Wolves hi paruknaah an awm a, playoff khel turin la tling chiah lo mah se, an khelh a rinawm tawh zawk.