Palace tan goal khung a ṭul

Europa Conference League last 16-ah Crystal Palace-in zanin dar 11:15 hian Cypriot First Division club AEK Larnaca FC an hmachhawn dawn. First leg-ah Palace hian mualah goal an khung thei lo a, quarterfinal lut turin goal an khung ngei a ṭul tawh ang.

Larnaca hi club lar ni lo mah se group stage an khelh dan aṭanga thlirin zuam a rem lo. Palace hi 10-na an nih laiin Cypriot club hi pariatna a ni a, quarterfinal an lut nghal. Hei chauh hi a ni lo a, Larnaca hian group match vawi rukah vawi khat chiah goal an chhuah.

FA Cup champion Palace hian Larnaca an hmachhawn ṭuma goal an khung loh bakah kartawpa Leeds United an hmachhawn ṭumin goal an khung lo. Conference League-ah erawh Jorgen Strand Larsen, Ismaïla Sarr leh Jean-Philippe Mateta te an chet ṭhat a ṭul ang.