Bryant-a fanu Gianna

Kobe Bryant fanu Gianna 'Gigi' Bryant hi a pa hnung zuia basketball ngaina tak a ni a, kum 13 mi hian Women’s National Basketball Association (WNBA) khelh ngei a tum.

 

Kum 2018 khan “Jimmy Kimmel Live!”ah Bryan chuan, "I sulhnu chhui tur mipa fa i mamawh a ni tia min zawhna ka chhanna chu 'Ka nei alawm' tih hi a ni," tiin a fanu Gigi chungchang chhuang takin a sawi a, a fanuteah a lungawi.

September 2017 khan Bryant-a'n instagram-ah Gigi-i'n a venna hnuai aṭanga tal put a, mawi taka a jump shot lai a dah a, mi maktaduai 5.5 in an en. Gigi hi a pa kaihhruaina hnuaiah Amateur Athletic Union hnuaia team pakhat 'The

Mambas' ah a khel a ni.

Bryant hian a fanu hi 'Baby Mamba' tiin a ko a, helicopter chesualah hian an pahnih hian an tel. Pathiannia Bryant leh Gianna thih thu a chian hian Atlanta Hawks point guard Trae Young chuan, "A player hmuh nuam ber ka nih thu min hrilh. Thil thleng hi ka awi theih lo," tiin twitter-ah a ziak. Nimin zinga Atlanta Hawks-in Washington Wizards 152-133 a an hneh ṭumin Trae Young hian number 11 a hak ṭhin dah ṭhain Bryant a hak ṭhin number 8 a rawn ha.

He inkhelah hian Bryant thlah nan ṭan chiahah Young hian an lamah ball manin a che sawn lo a, second riatah 'back court violation' a awm chiah. Wizards lamin ball an chang a,  24-second shot-clock violation an nei leh bawk. Bryant-a jersey number hak ṭhin 8 leh 24 behchhanin baskebtall legend sunna hun an hmang.