Taekwondo chawimawina an sem

Mizoram Amateur Taekwondo Association (MATA) chuan March 18, Nilaini khan Khawzawl Vengthar Hall-ah General Body Meeting leh MATA Award 2025-2026 semna an nei a, ITI Venga awm Gidae Taekwondo Academy chuan award pathum dawngin an dawng tam ber.

General Body Meeting-ah hian 2026-27 chhunga MATA budget leh hmalakna tura ruahman chu lungrual takin an pawm. MATA Award-ah hian category pakua a awm a, Lalthlamuanpuia chuan Best Senior Male Taekwondoist of the Year dawngin hmeichhe lamah NCOE, Guwahati-a awm mek R. Lalbiaknuami'n chawimawina sang hi a dawng ve bawk.