Sunrisers captain lailawk Kishan

Indian Premier League chu March 28, Inrinni aṭangin khelh ṭan a ni dawn a, Sunrisers Hyderabad captain Pat Cummins a inhliam avangin India batter Ishan Kishan-a'n a ai a awh rih ang.

Kum 32 mi Cummins hi hnung na vangin T20 World Cup-ah pawh Australia tan a inlan lo a, nikum kum tawpa Ashes Tests match ngaah pawh vawi khat chauh a inlan. Sunrisers chuan, "Cummins-a'n a rawn let theih hma chu Kishan-a'n captain hna a chelh ang a, Abhishek Sharma-a'n vice captain hna a chelh thung ang," tiin thuchhuah an siam.

India-in T20 World Cup an champion-na kawnga thawh hlawk tak Ishan Kishan hi kum 27 mi a ni a, Mumbai Indians tan season sarih a khelh hnuah season liam ta khan Sunrisers hi a zawm a ni. Hyderabad club hian match hmasa berah Royal Challengers Bengaluru nen M. Chinnaswamy Stadium, Bengaluru-ah March 28, Inrinni zan dar 7:30 hian an khel ang.