Jamshedpur chak zo lo leh ta!

Indian Super League-a an match hmasa palia an chak hnuah Jamshedpur FC an chak zo lo leh ta a, Ningani zan khan Sporting Club Delhi nen 1-1 in an inhnehtawk - match hnih a zawnin an khingpui an inhnehtawkpui ta.

SC Delhi hian Joseph Sunny hmangin goal an khung hmasa a, an chakpui mai dawn niin a lang hman hial. Mahse, minute 89-naah Nikola Stojanovic chuan JFC tan si phurh a sut a, 1-1 in an ṭin.

Delhi club tan Ramhlunchhunga leh Augustine Lalrochana ten inkhel bul an ṭan a, Isaac Vanmalsawma chu bench aṭanga luhtir a ni.

SC Delhi hi tun season-a an match hmasa pathumah tlawm vek mah se, club ṭha Mumbai City leh JFC a zawnin an chelh ta a, an inringtawk sawt ang.

Men of Steel lamah dan pangngai angin Mark Zothanpuia'n bul ṭanin, tun season-a JFC match zawng zawngah bul a la ṭan vek - midfielder C. Lalhriatpuia chu bench aṭangin a lut bawk.