MSL All Star game a hmuhnawm

Mizoram Super League season 11 league round khelh zawh a ni tawh a, March 20, Zirtawpni zan khan All Star game khelh niin club hrang hrang aṭangin player ṭha bikte an inlan. MSL 11 All Star Game hi Hermon Children's Home puala neih a ni

Kumin All Star game-ah player-te hi team hnih Team Chawngthu Sports leh Team RnR Graments-ah te ṭhen an ni a, Zarkawt BCA coach K. Vanlalruata'n Team RNR Garments kaihhruaiin Zemabawk BC asst. coach C. Vanengmawia'n Team Chawngthu Sports a enkawl thung. Team RnR Garments te 63-58 in hnehna an chang.

Inkhel pangngai bakah dunk contest leh three point contest te neih a ni a, dunk contest-ah Chanmari BC player JP Walker a dunk pui ber a, pakhatna a ni. Lalrina Renthlei, Lalrengpuia Sailo leh Lalbiakzuala Khenglawt ten dunk contest hi an endik. Three point contest-ah Chhinga Veng BC player Lalhriatzuala pakhatna a ni bawk.