CYMA Cricket 2026 vuak hawn a ni ta

Central YMA leh Cricket Association of Mizoram (CAM) buatsaih 13th Inter Branch YMA Cricket Tournment 2026 vuak hawnna chu March 20, Zirtawpni zan khan Central YMA Hall, Tuikhuahtlangah neih a ni.

Cricket inelna ngaihhlut CYMA Cricket hi CAM president Robert Lalfamkima'n vuak hawnna a nei a, CYMA assistant secretary SF David Ngursangzuala'n fixture a tlangzarh. Inelna hnuhnung ber finalist Ramhlun Venglai leh Durtlang te chu March 27, Zirtawpni hian 3rd Bn MAP Ground-ah an inlan ang.

Kumin inelnaah hian team 49 an tel a; March 24, Thawhlehni aṭangin khelmual pathum Joint YMA Field, 3rd Bn MAP Ground leh Lawipui Ground-ah khelh ṭan a ni ang. Last 16 aṭangin Lammualah khelh ṭan a ni ang a, final hi April 11, Inrinnia khelh tura ruahman a ni.