National Badminton C'ship-ah Rza'n silver a la

Yonex-Sunrise 48th Indian Masters (Veteran) National Badminton Championship 2026-ah K. Ramzauva, Khatla Veng chuan kum 60 chunglam mens singles category-ah silver medal a dawng. Inelna hi Goa-ah March 18-25, 2026 chhung khan neih a ni.

Rza hian round of 64 aṭangin a khel ṭan a, Gurmeet Singh Matharu (11-21, 21-17, 21-11), Ombir Saini (21-11, 21-17), Pedda Bai Kokkiligadda (21-11, 21-10), Ramesh Sharma (19-21, 21-9, 21-13), leh Atul Kumar Joshi (21-12, 21-11) te hnehin final a lut. Final ah erawh Murali Subramaniyam lakah 9-21, 17-21 in a chak lo a, silver medal-ah a lungawi a ṭul ta a ni.