Mizoram Muaythai Championship zo

March 17, Thawhlehni aṭanga neih ṭan Mizoram State Muaythai Championship 2026 chu March 21, Inrinni khan zawh a ni a, MIZBA Boxing Hall, Ramhlun Sports Complex-ah a kharna inkhawm neih niin, Mizoram University vice chancellor Prof. Dibakar Chandra Deka chuan kharna hun a hmang.

DC Deka chuan Muaythai Association of Mizoram ngenna ngaipawimawhin, University Games lamah Muaythai chu theihtawpa chawisan a tum tur thu a sawi.

A vawi 22 nana neih Muaythai State Championship-ah hian team champion chu Main training centre (MTC) Edenthar, Aizawl niin, SPES Martial Arts Academy (Dawrpui Contact Sports) chu pahnihna an ni a, pathumnaah CT Academy, Tanhril an lang bawk.

Vairengte Muaythai Club-ten Best Discipline Trophy dawngin, kut ruakin an haw bik lo. He inelnaah hian hmun hrang hrang aṭangin fighters 119 ngawt an inlan a, Aizawl pawn aṭang ringawt pawhin khaw pasarih ngawt an inlan - Aizawl khawpui chhung aṭangin, club, gym leh training centre 14 an tel thei bawk.