Pep Guardiola a lawm

Manchester City manager Pep Guardiola-a'n English club a enkawl hnuah ringawt pawh Premier League nomawi paruk a chawi tawh a, FA Cup nomawi pahnih bakah Champions League leh FIFA Club World Cup thlengin a champion tawh.

Hetichung hian Arsenal an hneh ṭum hian uchuak takin Pep hian a goal khung a la lawm a, hei hian champion duha a la tuihal zia a lantir. Spanish manager Pep chuan, "Arsenal laka kha ti taka kan khel ṭha a, goal kan khung a nih chuan ka lawm ve tur a ni. Mihring ve tho ka ni a, Arsenal emaw anmahni ṭantu emaw ka zah loh vang ni loin kan khelh ṭhat vanga ka lawm vang zawk a ni," tiin a sawi.

Pep Guardiola hote hian Real Madrid hneh lo a, Champions League aṭanga an tlak avangin Europe-ah an champion thei tawh lo a, Premier League leh FA Cup-ah an insawrbing a ṭul tawh ang.