Vawiin aṭangin CYMA Cricket

Central YMA leh Cricket Association of Mizoram (CAM) buatsaih 13th Inter Branch YMA Cricket Tournment 2026 chu vawiin aṭangin khelmual pathum Joint YMA Field, 3rd Bn MAP Ground leh Lawipuah khelh ṭan a ni dawn.

Ni khatnaah cricket khel thiam veng Zarkawt, Chaltlang leh Ṭhuampui te an inlan nghal dawn. Inelnaah hian team 49 an tel a, cricket infiamna hi veng zawng zawngah khelh a nih loh avangin first round-ah hi chuan team la inthlau viau tura ngaih a ni.