Giroud a la tar lo

Pathianni zan Ligue 1 inkhelah Olympique Marseille chuan 2-1 in an mikhual Lille an hneh lo a, Marseille tan Ethan Nwaneri-a'n goal hmahruai khung mah se, Lille tan Thomas Meunier-a'n sutin Giroud-a'n chakna goal a khung.

Orange Vélodrome, Marseille-a inkhelah mualneituin goal an khung hmasa zawk a, minute 43-naah Igor Paixao-a cross chu vengtu nei lo Nwaneri-a'n a pet lut a, Marseille-in 1-0 a hmahruai chungin half time an hmang.

Second half-ah Lille an hlauhawm nghal a, mikhual team tan Meunier-a'n buai nuai karah a pet goal a, an si phurh a sut.

Team pahnihte an inhnehtawk dawna a lan laiin Giroud a inlar a, Arsenal forward hlui hian Meunier-a cross chu ṭha takin a tauh goal a, Lille chak nan a tawk.

Kum 39 mi Giroud hi a kum tam ve deuh tawh mah se, Lille tan tlarhma lamah an innghahna a la ni thei a, tun season Ligue 1-ah goal ruk a khung tawh bawk.

Lille hi an match hnuhnung pangaah tlawm an nei lo a, panganaah awmin UCL khelh an beisei. Hetihlai hian Marseille an nghing a, an hnuaia awm Lyon leh Lille nen point hnih chiahin an inthlau.

Ligue 1-ah match sarih chiah khelh tur a awm tawh a, Paris Saint Germain-in hma an hruai mek, PSG hian Inrinni zan khan 4-0 in Nice an hneh.