Nuggets chakna Jokic-a triple double

NBA regular season khelh mekah nimin zing khan Denver Nuggets chuan 128-112 in Portland Trail Blazers an hneh a, Nuggtes tan Nikola Jokic-a'n triple double siamin a team a chakpui.

Ball Arena, Denver-a inkhelah Serbian center Jokic-a'n point 22 neiin, rebound leh assist 14 ve ve a nei a, a career-ah triple double vawi 192 a siamna niin, triple double siam hnem lamah Russel Westbrook chiah a tluk lo.

Jokic hi a ṭhianten an thlawp ṭha a, player paruk - Jamal Murray (22), Cameron Johnson (19), Christian Braun (15), Peyton Watson (14), Bruce Brown (13) leh Aaron Gordon (12) ten point sawm an score tling a, Nuggtes chak nan an thawh hlawk hle.

Blazers tan Deni Avdija-a'n point 23 neiin a score hnem ber a, Donovan Clingan (18), Robert Williams III, Toumani Camara (16) leh Scott Henderson te khel ṭha viau mah se an vanduai ṭum an tawng a, Nuggets hneh nan a tawk lo.

Nuggets hi Western Conference table-ah pangana an ni a, match 10 khelh tur an la nei a, playoff khel turin an tlin a rinawm ta hle.

Hetihlai hian Blazers hi pakuanaah an awm ve thung a, match 10 tho khelh hmabak neiin playoff khelh phak tumin an bei dawn.