India U23-ah Mizo pali

March international break-a friendly match vawi hnih khel tur India Under-23 head coach Naushad Moosa chuan squad a puang a, player 24 koh zingah Mizo player pali an tel.

India U23-ah hian Mizo midfielder pathum ngawt koh niin, Bengaluru midfielder Lalremtluanga Fanai, Chennaiyin player ṭha Lalrinliana Hnamte leh tun season-a Mumbai City zawmtu Zothanpuia te an ni.

Tlarhmaa khel turin Lalthankima chu koh a ni bawk a, Thathana hian ISL-ah Mohammedan tan khel mekin, ISL-a a season hmasa berah India U23 tana koh zingah a tel nghal.

India hian March 28-ah Bhutan hmachhawnin, March 31-ah Tajikistan nen an inkhel dawn bawk - inkhel hi Yupia, Arunachal Pradesh-in an thleng ang.