Sreenidi khingpui tur Dempo

Indian Football League-ah zanin dar 6:30 hian Mizo tamna Sreenidi Deccan-in Dempo SC an mikhual dawn. Hyderabad club hian Indian Super League khelh phak tumin sum an seng hnem a, Goan club laka hnehna an chang a nih chuan table chunglama awm theihna hun ṭha a ni thei ang.

Sreenidi-ah Lalromawia'n hmun pawimawh a chang a, Hyderabad club hian foreigner an nei ṭha bawk. Romawia bakah MPL10 best player Lalthankhuma leh Mizo winger che rang pathum Brandon Vanlalremdika, C. Lalchungnunga leh R. Lalbiakliana te an awm.

Hyderabad club hi tun dinhmunah point sarih hmuin pathumnaah an awm mek a, Dempo SC hi an mualah an hneh thei a nih chuan table chung berah an awm thei dawn. IFL-ah hian a sang parukin Championship playoff an khel dawn a, champion tur an zawng dawn. A hnuai lama awm pali erawhin relegate tur an zawng thung ang.