De Zerbi-a'n Tottenham enkawl hreh lo

Brighton & Hove Albion coach hlui Roberto De Zerbi chuan tun hnaia team talbuai, Tottenham Hotspur chu Premier League-ah an inhamtan chuan a enkawl hreh lo khawthlang chanchinbu ten an sawi.

Tun season-ah Spurs an che chhe takzet a, season hmasaa Europa League champion hi Premier League aṭanga tla thei dinhmunah an ding. Thomas Frank an ban hnuah Igor Tudor lalut mah se beisei an pha lo a, an talbuai chhunzawm. De Zerbi hming rawn riin Italian coach hi Spurs khai ding leh turin an duh.

Kum 46 mi De Zerbi hian Brighton a chhuahsan hnuah Marseille a enkawl leh a, French club tan che chhe lo mah se club neitute nen an thu a inhmu lo a, February khan inhriatthiam tawnnain an inṭhen.

Marseille a enkawl hnuah club a nei leh lo a, De Zerbi hi Manchester United leh Liverpool pawhin an duh nia sawm a awm a, mahse Spurs rawn langin an hming a ring fal hle.

Hetihlai hian Spurs manager Igor Tudor chu a pain a thihsan a, Tottenham pawhin thuchhuah siam ve nghalin,"Tottenhan Hotspur chhungkuain Igor Tudor-a pa, Mario-a'n min kalsan avangin pawi kan ti a. He hun harsa takah hian kan rilru leh kan tawngtainate Igor leh a chhungte hnenah a awm a ni," tiin Tudor an tawrhpui.