Dortmund-in Sancho lak let an duh

German club lian Borussia Dortmund chuan an player hlui, Jadon Sancho chu tun season tawpah lak an duh a, Sancho pawhin Dortmund pan a duh niin sawi a awm.

English forward Sancho hian 2017 khan Manchester City aṭangin Dortmund a pan a, Ousmane Dembele thlak tura lak a nih bakah a la naupan avangin hriat a hlawh tawk lo.

Mahse kum nga a cham chhungin Sancho a che ṭha a, goal 50 khungin assist 64 a nei a, club lianin an inchuh rawn.

Club lian hrang hrangin duh mah se Sancho-a'n Manchester United a pan a, pound maktaduai 85 zet sengin Red Devils-in an lalut. Old Trafford-ah Sancho-a'n beisei a phak lo a, loan-in Dortmund leh Aston Villa-ah a chhuak.

United-a Sancho contract hi kumin June 30-ah a zo dawn a, Dortmund hian a thlawna lakluh an duh. Hetihlai hian Sancho duhtu zingah Roma an tel ve bawk.

Sancho hi kum 25 chauh a la ni a, a career siamṭhat lehna chance a la nei hnem a, a ṭhat theih dan bera a khelh theihna tura luh a duh ang.