Wales World Cup beiseina a tawp

Wales tan World Cup-ah hmun a awm lo. Craig Bellamy hoten March 26, Ningani zan khan Bosnia and Herzegovina an mikhual a, hun pangngnaiah 1-1 in inhnehtawk mah se penalty shootout-ah 2-1 in an chak lo.

Wales hnehtu Bosnia and Herzegovina hian March 30, Thawhlehni zan dar 12:15 hian an mual Zenica-ah Nothern Ireland hnehtu Italy nen World Cup Qualifier Playoff Path A final an khelh ang..

United Kingdom aṭangin England leh Scotland an tling tawh a, tel belh tur an awm tawh lo. Northern Ireland beiseina tawp zanah Wales beiseina a thamral ve nghal.

Cardiff City Stadium-ah Wales-in Bosnia and Herzegovina an mikhual a, first half-a goal a luh loh hnuah Manchester United forward hlui Daniel James-a'n goal ropui a khung. James hian ṭha taka a lakluh hnuah box pawn aṭangin kawh zetina pet goal.

Mahse, Bosnia and Herzegovina tan kum 40 mi Edin Dzeko-a'n corner kick aṭangin minute 86-naah a tauh lut a, minute 90 chhungin 1-1 a ni. Extra time-ah goal a luh belh lo a, penalty shootout hmangin chak zawk zawn a ṭul phah.

Bosnia tana pet hmasa ber Ermedin Demirovic-a'n hlah nghal mah se Wales tan Brennan Johnson leh Neco Willams ten an khung lo a, penalty shootout-ah mikhual team 4-2 inan chak ta zawk.