Jamaica tan Cadamarteri

Inter Confederation Playoff semifinal-ah Jamaica-in nimin zing khan New Caledonia 1-0 in an hneh a, goal awmchhun hi Bailey Cadamarteri khung a ni. Jamaica hian March 30, Thawhṭanni zan dar 2:30 hian final-ah DR Congo an hmachhawn ang a, heta chak zawk hian final an khel ang.

Estadio Akron, Zapopan-ah entu 40,983 nan pung khawm a, inkhel boruak pawh a ṭang ṭha. Minute 18-naah box pawn aṭangin Jamaica-in freekick an hmu a, Ronaldo Webster-a'n petin New Caledonia keeper Rocky Nyikeine-a'n a dang per. Hemi per hi Cadamarteri-a'n a khung a, goal dang a luh belh tawh lo.

Inter Confederation Playoff pathway 1 hi Mexico-in a thleng a, World Cup 2026 khelhna tur Zapopan-ah a khelh a ni. Final pawh Zapopan-a khelmual Estadio Guadalajara-ah bawk khelh a ni ang.