Denmark-in beiseina la nei

World Cup 2026 khel turin Denmark-in beiseina an la nei ve zel - Ningani zan khan semifinal-ah North Macedonia chu 4-0 in an sawp a, final an lut.

Denmark tan hian Lazio forward Gustav Isaksen chuan goal hnih khungin, Mikkel Damsgaard leh Christian Nørgaard ten goal khat ve ve an khung bawk a, final-ah Czech Republic an hmachhawn ang.

Czech Republic hian 2-2 in Republic of Ireland an inhnehtawkpui a, penalty-ah 4-3 a hnehna chang zuiin, final an lut.

Ireland hian Troy Parrott (penalty) leh Matej Kovar (own goal) hmangin vawi hnih ngawt hma an hruai a, mahse, Czech lam hian Patrik Schick leh captain Ladislav Krejci hmanga si phurh sutin, extra time khelh a ni.

Extra time-ah goal dang a luh loh avangin penalty pet zui a ni a, 4-3 a hnehna changin Czech Republic hi an tlang ta a ni.