Wirtz-a'n Germany chakpui

Germany-in Inrinni zan khan St. Jakob-Park-ah Switzerland an hmachhawn a, Florian Wirtz-a chet ṭhat zarah 4-3 in hnehna an chang. Liverpool midfielder Wirtz hian first half-ah Jonathan Tah leh Serge Gnabry te goal khung tur siam sakin second half-ah goal mawi ṭum hnih a khung.

Die Mannschaft hian 2014 World Cup an champion hnuah group stage-ah ṭum hnih an tla a, Julian Nagelsmann-a kaihhruaina hnuaiah indinthar an tum mek. World Cup hnuhnung bera catpain Manuel Neuer leh player ṭangkai Thomas Muller te an chawl tawh a, 2014 World Cup-a champion player an awm tawh lo.

Germany hian goalkeeper aṭangin buaina an nei nghal a, Hoffenheim goalkeeper Oliver Baumann chu no. 1 tura ngaih a ni. Zanin dar 12:15 hian Ghana nen friendly match an nei dawn a, Alexander Nubel-a'n bul a ṭan thung ang.