Japanese GP-ah Antonelli bawk

Italian driver Kimi Antonelli chuan nimin zing khan Japanese Grand Prix-ah hnehna a chang a, Chinese Grand Prix-ah hnehna chang tawh bawkin championship-ah hmahruaitu a ni zui bawk.

Kum 19 mi Italian tlangval hi a tlan tluang a, a khingpui McLaren driver Oscar Piastri leh a teammate Mercedes driver George Russell ten an tluk lo. Hetihlai hian Oliver Bearman chu lap 22-naah a chesual a, hliam na tak nei lo mah se a khup a tina niin a lang.

Australian GP-a pakhatna Russell erawh a dinhmunah a lungawi lo hle a, Piastri leh Ferrari driver Charles Leclerc-te dawtah palina niin, thil thlen dan chu 'awihawm loh' tiin a sawi hial.

Kum 19 mi Antonelli hi F1 chanchinah championship hmahruai thei naupang ber a ni ta a, a team-mate Russell-a aiin point kuain a sang zawk.

Mercedes driver Antonelli chuan, "A lawmawm ka ti a, champion sawi nan la hma deuh mah se ka ti ṭha rih viauin ka hria. Bul ka ṭan ṭha lo a, mahse vanneihna ka lamah a ṭan avangin hetiang hi kan thleng ta a ni," a ti.