World Cup-ah Kosova an tel dawn em?

FIFA-in kum 2015 khan Kosovo hi member-ah a lalut a, World Cup hnuhnung pahnihah qualifier khel ve ve mah se an tling zo lo. Tun ṭum qualifying round-ah Kosovo an che ṭha a, Switzerland tluk lo mah se Slovenia leh Sweden chungah awmin playoff an khelh theih phah.

Playoff semifinal-ah Kosovo hian Slovakia 4-3 in an hneh a, final-ah Turkey an hneh a nih chuan World Cup khel turin an tling dawn. Zanin dar 12:15 hian Kosovo in an mual Fadil Vokrri Stadium, Pristina-ah Turkey hi an mikhual ang.

Fadil Vokrri Stadium-ah hian entu 13,980 an leng a, mipui tam ber ṭumah entu 16,000 an pung khawm. Kosovo-ah mipui nuai 15 chuang awrh chauh an awm avangin an stadium a lian lo pawh hi a mak lo a, World Cup khel tura an inpet tling a nih chuan mellung pawimawh tak a ni dawn.

Kosovo coach Franco Foda-a'n Slovakia an hneh ṭuma starting XI ngai bawk a chhawr a rinawm a, Turkey coach Vincenzo Montella erawh Romania an hneh ṭuma starting XI ngai a chhawr theih a rinawm loh. Semifinal-ah hliam vangin captain Hakan Calhanoglu lakchhuah a ni a, Inter Milan hi a dinhmun a chiang lo.