IPL-ah run a sur

Indian Premier League match hmasa pahnihah team paliin run 200 an siam tling vek. Champion lai Royal Challengers Bengaluru-in over 15.4 lekah Sunrisers Hyderabad target chhawp sak run 202 chu an umpha nghal a, Pathianni zan inkhelah pawh Kolkata Knight Riders-in run 220 zet siam mah se Mumbai Indians-in hnehna an chang tho.

Wankhede Stadium, Mumbai-ah mualneituin vawm hmasak an thlang. Knight Riders tan Ajinkya Rahane (67), Angkrish Raghuvanhsi (51) leh Finn Allen (37) te an che ṭha a, over 20-ah run 220 siamin wicket li an hloh.

KKR target hi sang viau mah se Mumbai Indians opener pahnih Ryan Rickelton (81) leh Rohit Sharma (78) te an che ṭha nghal a, Suryakumar Yadav (16) leh Tilak Verma (20) ten rawn belh ve lehin captain Hardik Pandya (18) leh Naman Dhir (5) ten a tawp an rawn khar. Mumbai hian over 19.1-ah run 224 an siam a, wicket li chauh an hloh.

Zanin dar 7:30 hian Punjab Kings leh Gujarat Titans te an inkhel dawn. Nizan khan Rajasthan Royals leh Chennai Super Kings an inkhel a, result kan hre hman lo.