Match 18 hnuah Bucks chak lo
A zawna NBA regular season match 18 zet chak thei Milwaukee Bucks chuan nimin zing khan ngam loh an tawng ta a, an khingpui Dallas Mavericks lakah 120-116 a chak loin an chak kaltluang lai chu tihtawpsak an ni.
Dallas Mavericks tan hian Kristaps Porzingis chuan point 26 a neih bakah rebounds vawi 12 lain double-double a nei, ani bakah hian Seth Curry (26 points) leh Dorian Finney-Smith (15) te chuan tha an thawhhlawk hle bawk.
Bucks tana point nei hnem ber chu nidang ang bawkin a ngai Giannis Antetokounmpo bawk a ni. Most Valuable Player nilai hian point 48 zet a neih bakah rebound vawi 14 nei thei mah se a ṭhiante puihna a dawng ṭha tawk lo, a hnathawh ropui tak hi hnehna chan nan a tawk zo lo a ni.
Zirtawpni zing dar 6:30-ah Bucks hi an inlan zui leh dawn a, Fiserv Forum-ah Los Angeles Lakers nen an inhmachhawn ang. Dallas Mavericks hian Ningani zing dar 8:00-ah Boston Celtics nen an inkhel ve leh thung ang.
NBA Results
Detroit Pistons 119 - 133 Washington Wizards
Toronto Raptors 133 - 113 Cleveland Cavaliers
Houston Rockets 109 - 107 San Antonio Spurs
Memphis Grizzlies 118 - 111 Miami Heat
Milwaukee Bucks 116 - 120 Dallas Mavericks
Oklahoma City Thunder 109 - 106 Chicago Bulls
Phoenix Suns 110 - 111 Portland Trail Blazers