Thunder chak zanah SGA a langsar

Nimin zing NBA inkhelah Western Conference hmahruaitu Oklahoma City Thunder chuan 114-110 in Eastern Conference hmahruaitu Detroit Pistons an hneh a, Thunder shooting guard Shai Gilgeous Alexander-a'n point 47 zet score-in team a chakpui.

Paycom Center, Oklahoma City-a inkhelah team pahnihte an inhnehtawk a, hun pangngaiah 99-99 a nih hnuah overtime khelh a ni a, overtime-ah Thunder vannei zawkin point liin an chak.

OKC tan MVP ni lai Shai a khel ṭha lehpek a, Pistons rawn phur chho viau ṭhin mah se, SGA hian boruak vaw dai turin point a nei thei zel. SGA bakah Chet Holmgren (13) leh Ajay Mitchell (14) te an khel ṭha a, anni bakah hian Alex Caruso-a three point te chu Thunder chak chhanah a chhal ngam.

Pistons an khel chhe bik lo a, Paul Reed (21), Javonte Green (19) leh Kevin Huerter (17) te che ṭha viau mah se an vanduai a, a tlawm zawkah an ṭang.

Thunder hi regular season khelh mekah an che ṭha a, table hmahruaitu an nih bakah playoff khel pha tura inhlangkai hmasa ber an ni a, champion nawn leh turin kawng dik an zawh mek.