Sinner-a'n Alcaraz a hnaih hret

Australian Opena-ah Jannik Sinner-a'n beisei pha lo mah se Italian tennis player hian Indian Wells Masters leh Miami Open-ah a champion a, ATP ranking thar berah world no. 1 Carlos Alcaraz a hnaih sawt.

Alcaraz hian point 13,590 zet a hmuh avangin Sinner phak lohna hi point 1,190 a ni pha tho. Chutihrualin player ṭha pahnih hi an sang fal a, pathumna Alexander Zverev-a'n point 5,205 hmuin Sinner hmuh chanve pawh a hmu pha lo.

Tun hnai tennis inelnaah Sinner leh Alcaraz te hi an ṭha fal a, Italian player hian Miami Open champion turin Czech player leh seeded no. 21 Jiri Lehecka chu 6-4, 6-4 in an hneh. Sinner hian Miami Open leh Indian Wells champion kawp mah se inelna pahnihah hian Alcaraz a tel lo tih hriat a ṭha.

Spanish player Alcaraz erawh an khua Murcia-ah awmin clay court-ah training a ṭan a, May thla tawp lama neih tur French Open (Roland-Garros) atan inpuahchahna a ṭan der tawh. Clay court hi Alcaraz-a ṭhatna hmun a ni.