CYMA Cricket 2026: Vawiin aṭangin last 16

13th Inter Branch YMA Cricket Tournament-ah team 16 chauh an dam tawh a, vawiin aṭangin Lammualah last 16 khelh ṭan a ni ang. Vawiin chawhma dar 9:00 hian Bawngkawn South leh Chanmari an inhmachhawn ang a, chawhnu dar 1:00-ah Upper Republic leh Luangmual te an inkhel zui ang.

Nimin khan Lawipu Ground-ah last 16 khel tur zawnna match hnih khelh a ni a, Vaivakawnin Dawrpui chu run 49 in an hneh. Inkhel hnuhnung zawkah Chatlangin Laipuitlang run 181 in an sawp bawk.

Cricket khel thiam veng/khua 16 te chu Ainawn Veng, Bawngkawn South, Chaltlang, Champhai Venglai, Chanmari, Durtlang, Hunthar, Luangmual, Ramhlun North, Ramhlun Venglai, Ramthar Veng, Sihphir, Thingsulthliah Camp Area, Upper Republic, Vaivakawn leh Zemabawk te an ni.