Tute nge Genius Sports chu?

Genius Sports hi sports technology leh data company an ni a, khawvel huapa league langsar tak tak thawhpuiin, chung zingah chuan Premier League, English Football League leh Scottish Professional Football League te pawh an tel.

American football league lar tak National Football League nen pawh an thawk ho a, German Football Association leh Superliga Argentina te pawh an thawh pui zingah an tel a ni.

Genius Sports hian New York khawpuiah hmunpui neiin, tunah hian hnathawktu mi 1,500 bawr vel an nei nia sawi a ni a, tuna AIFF hnena kum khata pek an inhuam zat hi, a dollar zawnga chhut chuan kum khatah dollar maktaduai sarih vel daih a tling.

Khawthlang media ṭhenkhatin an tarlan dan chuan Genius Sports hausakna hi dollar tluklehdingawn 1.25 a tling a, ISL-a heti zat sum an theh chhuak ngam pawh hi a awm lo hran lo.