Chanmari khingpui tur Real Kashmir

Indian Football League-ah zanin dar 6:30 hian Real Kashmir-in Chanmari FC an mikhual dawn a, Mizo club tan relegation playoff pumpelh turin chak a ṭul hle. MPL12 champion hian match li chhung chak hmel an hmu tawh lo a, coach thar Dipankur Sharma hnuaiah point an la hmu lo bawk.

Chanmari khingpui tur Real Kashmir hi tun season-ah Aizawl an rawn zin tawh a, RG Stadium-ah Aizawl FC nen 2-2 in an inhnehtawk. Srinagar-ah Real Kashmir hian ram boruak avangin 'home advantage' an nei ṭha ṭhin a, Chanmari tan point hmuh a awlsam dawn lo.

Chutihrualin Dipankur-a'n Chanmari player-te hriatchianna hun a ngah hret a, Rajasthan United nena an inkhelh ṭum aiin an ṭhat tawh zawk a rinawm. Inkhel hi DD Sports bakah online aṭanga en duh tan Waves leh SonyLiv-ah te en theih a ni.