Remsanga goal a tawk zo lo

Lalremsanga Fanai chuan tun season Indian Super League-a a goal hmasa ber khung mah se, a team Mohammedan SC chakpui nan a tawk zo lo a, an mikhualna ramah Punjab FC chu 2-1 in an ngam lo.

Lengpui tlangval Remsanga hian minute 29-naah cool takin Kolkata club goal hmahruai a khung a, tun season-a chak la nei lo team hi a chakpui ve mai dawn niin a lang hman.

Mahse, Mizo player kawl nei lo Punjab FC hian Nsungusi Jr Effiong leh Dani Ramírez hmangin second half-ah goal hnih an khung a, a tawpah Punjab hian 2-1 in hnehna an chang.

Mohammedan tan Remsanga'n bakah Zodingliana Tochhawng chuan inkhel bul a ṭan a, Adinga hian captain armband hreng chungin Kolkata club hi a ho.

Hetihlai hian India Under-23 tana feh chhuak hlim Lalthankima (Thathana) leh Jeremy Laldinpuia te chu bench aṭanga luhtir an ni bawk a, an team erawh an chakpui zo ta lo.