Quarterfinal-ah Sihphir leh Ramhlun North

Central YMA leh Cricket Association of Mizoram buatsaih 13th Inter-Branch YMA Cricket Tournament 2026-ah Sihphir leh Ramhlun North te chuan Inrinni khan an khingpui Zemabawk leh Champhai Venglai te hnehin quarterfinal an lut.

Lammual inkhelah hian Sihphirin Rony Lalruatpuia'n run 28 a siam zarah over 20-ah run 121 an siam a, Zemabawk batter-te an che thei lo a, over 20-ah run 85 chauh an siam. Inkhel hnuhnung zawkah Emmanuel Sailo-in half century (55) a siam a, Ramhlun North-in run 129 an siam. Champhai Venglai lam tan target a sang hret a, over 17.5-ah run 86 chauh siamin an thi fai vek.

Vawiin hian last 16 khelh zawh a ni dawn a, chawhma dar 9:00-ah Ramthar Veng leh Ainawn Veng te an inkhel ang a, chawhnu dar 1:00-ah Thingsulthliah Camp Area leh Hunthar te an inkhel zui ang. CYMA Cricket-ah hian Chanmari, Luangmual, Ramhlun Venglai, Chaltlang, Sihphir leh Ramhlun North ten quarterfinal an lut tawh a ni.