A vawi khat nan Delhi an chak

Sporting Club Delhi chu tun season ISL-a a vawi khat nan an chak a, Kerala Blasters chu Pathianni zan khan 2-0 in an hneh - Delhi tan Mohammed Aimen chuan minute 36-naah goal hmahruai a khung a, hun pek belhah Matija Babovic chuan chak nemnghehna goal a khung zui.

SC Delhi tan inkhel bul ṭantu Augustine Lalrochana'n goal khungna remchang nei mah se, Khasi defender Aibanbha Dohling chuan Mizo tlangval hi amah chauha a fal tur chu a titlu a, red card a chawi zui - minute 85-na a ni.

1-0 a hnufual sa Blasters tan player 10-a thawhleh a harsa tawh a, Babovic-a'n goal khung belhin, 2-0 in hnehna an chang - Blasters hian match ruk a zawna an chak zawh loh hnuah Bengaluru boss hlui Ashley Westwood chu coach atan an la lut a, mahse, English coach hian a match hmasa berah Blasters a tlawmpui nghal.