Juventus-in Nunez an duh

Serie A club Juventus chuan nipui transfer atan an mit an len ṭan der tawh a, Saudi Pro League club Al Hilal-a beisei anga tui lo Darwin Nunez chu lakluh ngei tumin an ngaihven mek.

Kum 26 mi Nunez hian August 2025 khan Liverpool chhuahsanin Al Hilal hi a zawm a, Saudi club tan hian inelna hrang hrangah match 24 khel tawhin, goal kua a khungsak.

Euro maktaduai 53-a leitu Al Hilal-in Nunez-a mana an sen zat leh a goal khung zatah lungawina zan an hmu kher lo mai thei - hei vang hian Juve hian tihtakzet an rim a nih chuan a chhuah chance a sang ang.

Juventus hian Nunez hi dawr dawn se, leichhuah theih a nih leh nih loh chungchangah Al Hilal hi an be tawh a, he thu buatsaih a nih lai hian thuthar dang a awm rih lo - season hmasa khan Juve hian Nunez hi an lo thlithlai tawh bawk.