Cindy telna India an chak

Armed Veng tleirawl Cindy Remruatpuii Colney telna India Under 20 hmeichhe team chuan AFC U20 Women's Asian Cup-a an match hnuhnung berah hnehna an chang a, Chinese Taipei chu 3-1 in an hneh.

India U20 tan Sibani Nongmeikapam chuan goal hnih khungin, Bhumika chuan goal khat a thawh ve bawk - Sibani goal khat hi penalty aṭanga a chhuih luh a ni.

Chinese Taipei tan Kao H chuan hun pek belhah khung ve mah se, awmzia a nei tawh lo. U20 Women's Asian Cup-ah hian ram 12 chiah tel phakin, group pathumah an inṭhen.

Group tina a sang pahnih leh pathumna tiṭha pahnihte chuan quarterfinal an lut a, nizan group B-a Uzbekistan leh Jordan inkhel result a zirin, India-in knockout round an luh leh luh loh a chiang ang.

Thailand-a neih mek inelnaah hian Cindy chu India U20-a Mizo awmchhun a ni a, Mizo coach lar BSa Colney fanu hi match thum an khelh tawhah bul a la ṭan vek.